دافنة رجال كتار عز في وطاطك وخيرتك
هرفك يبلع الزول جب تودر هيرتك
الضايق لقاك يعرق ويجب من سيرتك
الدم جرتقك والخيل عجاجة ضريبتك
*****
فارسك ديمة من دم المكوك بتمرك
فايقن فوق قفا اللصدي الملبس ورك
سماكي يجب صعيد وشمال وكلو اتحرك
متكل مزرو زي ندفات رفاعة البرك
*****
وما تلوميني كان كاتم غناك ازمنت
بنقد في القوافي السمحة ما اجابنت
غافرنك صحيح ما بفقدوك السنت
السياف مجدر والدرق عيسنت
*****
فيكي علوج مقاوي محفلات حصناتن
يوم صدفك محنضل مر وقاسي شراطن
أولادك بعزوها المرية وطاطن
كاتلة مكوك سيوفك شرطن هاماتن
*****
كراميخ دور قشوشك فوق ضهورك قنن
أم زور راتعة فيك عتمت بكارك حنن
فارسك كفو من بشاش دكاكرة محنن
طبول قحاح نحاسك في الهجاير غنن
*****
لماع برقك أتوتا السحابة ولحح
صبح سيل مهاويك بالعلاوي يزحح
غلت الدار خرابك بالسيوف بصحح
نحاسك ندل الضحوة وهرج واتقحح
*****
وما بتنضاقي لي خصماكي جرعة سم
أهلك يا أم هبج بفرجوا الهم
في كبد المحاصات فارسن ما انذم
سدورن والشنبة ملطعات بالدم
*****
عزن هولن أولاد أب علي ومو الليلة
أسياد دفرة معلومين ومالكين عيلة
اليوم الصقور الجو بتحرس خيلا
بيهو بجرتقوا المردا وبعدلوا ميلا
*****
ليهن سجل التاريخ معارك شتة
أخوان ضامرة الهاف أم شلوخن ستة
زمن النيل متسب والبرق باحتة
ما بتنشق برا أب قنفة الموارك الكتة
*****
زمن في الشكاري بشدوا فارط القود
حر عنافي من إبلن عزاز منقود
رافايين ضعيف ما ببخلوا الموجود
ما بتنبوا بي كرم الضيوف والجود
*****
زمن نيلك متسب وفيكي صاحة العينة
سيلك بي مرانعك غرق الوزينة
ما بتتلادي يا المحنك قبيحة وشينة
هسع فيكي بتبالج حديد النينة
*****
فيك سنابك الدغم البعزو نظارتك
باقينلك درع يوم معركيبك وغارتك
سيلك هدم الشقاق وحزم بارتك
صبحا برة تنقذ فوق علاويك فارتك
*****
قدرك عالي لا يوم الله ما بتدلة
شربيتك على العنافي ما بتخلة
يوم قوم الصفية أب آمنة فش العلة
دفر فيكي بي اللصدي أب حجل عبد الاله
*****
يامن لخلخك هزاك ومنو قنتي
جالبة دموم دوام فت مرة ما بتقطي
يا البرقك بكلح في السحابة موطي
سيلك صبح الفنق بالخدار متغتي
*****
ناس شيخ العرب ود حلمي كان في رفاعة
ماصع حملو فوقو بنقرا الدلاعة
الخمجانة كان استعزوا فوكا جماعة
قناعين لها الدعجا البقود فراعة
*****
ناس الشيخ محمد ود حمد في قضارفو
دفاع مقدر العقبة الغزيرة غضارفو
كريما سيف وسيد ملكة ووسيعة معارفو
أب عمر أب رفيقن في السفر ما بقارفو
*****
أولاد الحاردلو في صباغك تلوبن قرح
بعزو الفرعو نازل فوق وضيبو مسرح
باللصدي الملبس وبالصفائح ترح
باقنلك حدار سيفن بشق ما جرح
*****
والفي القفلة ناس فارس الملاقا عمارة
باقي حدار قبل ما تدمروا الدمارة
زمن الخيل مشربتة والحراب طمارة
شرطوا روس مكوك عز للبقودة سمارة
*****
وما بطيق البنادر دمعوا جاري ولوفك
شاف الصيد يدرج في العوالي شروفك
حفاظة عشير ملكة وكتير معروفك
كم ولدن مسمى مخمج اجاسفنو سيوفك
*****
وأصلو السلطة هولك ورثوها كبارك
يا التفهك بشق بو المحجز وبارك
خرخار التعول في الصيف فتق قمبارك
جازنبوا الحباشي وبيهو دب حبارك
*****
بطانت اللعشير ما بسوا إلا الخير
ثمارها موفرن شابع الأهل والغير
بعزو متبر القدم القرينو عطير
خيولن علة ما تدفر تغدي الطير
*****
عزاز وأولاد فراشن طينتن معدومة
سمح شربيتا فوق ضهر الكزازي أبو دومة
ورث من جدهن مالكنها ومفهومة
هولن بي وثيقة ممضية ومختومة
*****
عروضتن وافرة حاشاهن من التقصير
درع وحماية للاجي الولالو نصير
بتختر عشريهن فيها وين ما يسير
أم أرضن صحاحا بولد الإكسير
*****
وها الأيام بروكا اتراففن وانفرن
دايرة تراشش اتكن بروكا وكرن
أب لبة الممقر في الرباط ويجرن
قريب بمرق يسرت الحيل قمامو يخرن
******
برقن لاح صباح قبلة وكتر ولويلو
كرس القش وجاب الوادي يهدر سيلو
الزراعي أمسى نشيط وشامق حيلو
واتكرف نياق ترو البهيج بشليلو
***-
النعم الرهف فرحان صبح واتخاير
السيل هدم الشق وانفقل واضاير
جمال الدور مشربتة بالهويد تتغاير
الحبر الإبيرق وأم قرين تتطاير
***
اللرض شمت
الوشاش لفض برا وشقوقو انضمت
الناقضين وضيبا وبي المشاط ما انتمت
من سقط الصعيد فوكا اللكايب اترمت
***
القش قلع الدراب نداهو ينقط
وايدين الكتر دلهم شدرها مرقط
عقيد الدور رجع فرحان علي المتعقط
يختف زبرة القمبارة جاري يلقط
*******
واحدن راسو متل الهام ومكضوض حبة
صيف فوكا يامن جاء الرشاش اب لبة
نجع بي عاقبو يقن من تكربت وخبة
قعد متل الخلال غاز في النقيب وانصبة
***
بطانة الخير عقب رفرف بركا صباح
ساكا مزرتو لا عاديكا من الباح
ولا ابو دليق رواها اللرض شراباً صاح
بلد ود طلحة شيخنا اللي الجزر ضباح
*******
المردا أم أيامن بيض ومي متعاسرة
مرية فيها مبسوطة ام سماحة جاسرة
الجبجاب ينقنق والنعم متعاصرة
التباب مزرد والحفاير كاسرة
*******
السما فوقنا متوالي وصبيبو اختر
السيل طفا نيرانا الجمرها اتبتر
أب هافا مضمر وفي المقوت ما كتر
عشا في شغبة أم شعفة الضرحا اتهتر
********
الديش كلو راكز بي قفر مفروق
نوارة التبر زي نافشة المطروق
كب ماهو السما وماص غرق الواقوق
وصبح حوة الجبال معلقة فوق
********
حنتوتن مفرقة بيها رتع النوق
وضهارن مكفا وصي خلا وعشنوق
اللزم جمالن خت فريقن روق
والوقعت ربيطو انخج زين مخنوق
*******
ونوق ود جقة هدن في السراويل توف
راحلين بالعفيف ومعبدن مكلوف
عاين بالحدب من جاي هداك الشوف
القش منهن كاتل تلاتة خلوف
********
وداك الصيف رواين منزرد
خايف ظرف ناس عيد
قشوشو كتيرة متعارضنا متل القيد
السحا والمحتربة لبلبة وبييض
*******
وديك براقة
وتتكازم جمالا البنقير طراقة
الحور فيهو ناس سمحة الخروسا غراقة
نازل مندفق عم القصار كلاقا
********
عربا عرضهن سابل موفر ديمة
خمامهن دلو من ضهر البطبق الزيمة
بنتوتن بقدلن من شقاق لا خيمة
بياتن مبنتة بي الضهور ومقيمة
*******
بنتوتن عفافن عمرهن ما خانن
من كتر الصبيب قش الملينة اجانن
الضان والمعوز ماعونو ما بتقانن
أم جنخر تفوشق والبكار تتحانن
********
جزرا سمينة متفاولين بو بخت الدار
جنياتن فناجرا وفي الكرم ندار
من عيون الحسود حيوتن الستار
شبعوا غسيب مدفرب فوق هشيم كتار
******
نعمتن فوكا ما شاء الله ومي بوبار
الدر في الضروع والبرا فضل بار
ماهن في الشباك لو قلة لو تيبار
مارين وتيق قراب وسقيا كبار
هرفك يبلع الزول جب تودر هيرتك
الضايق لقاك يعرق ويجب من سيرتك
الدم جرتقك والخيل عجاجة ضريبتك
*****
فارسك ديمة من دم المكوك بتمرك
فايقن فوق قفا اللصدي الملبس ورك
سماكي يجب صعيد وشمال وكلو اتحرك
متكل مزرو زي ندفات رفاعة البرك
*****
وما تلوميني كان كاتم غناك ازمنت
بنقد في القوافي السمحة ما اجابنت
غافرنك صحيح ما بفقدوك السنت
السياف مجدر والدرق عيسنت
*****
فيكي علوج مقاوي محفلات حصناتن
يوم صدفك محنضل مر وقاسي شراطن
أولادك بعزوها المرية وطاطن
كاتلة مكوك سيوفك شرطن هاماتن
*****
كراميخ دور قشوشك فوق ضهورك قنن
أم زور راتعة فيك عتمت بكارك حنن
فارسك كفو من بشاش دكاكرة محنن
طبول قحاح نحاسك في الهجاير غنن
*****
لماع برقك أتوتا السحابة ولحح
صبح سيل مهاويك بالعلاوي يزحح
غلت الدار خرابك بالسيوف بصحح
نحاسك ندل الضحوة وهرج واتقحح
*****
وما بتنضاقي لي خصماكي جرعة سم
أهلك يا أم هبج بفرجوا الهم
في كبد المحاصات فارسن ما انذم
سدورن والشنبة ملطعات بالدم
*****
عزن هولن أولاد أب علي ومو الليلة
أسياد دفرة معلومين ومالكين عيلة
اليوم الصقور الجو بتحرس خيلا
بيهو بجرتقوا المردا وبعدلوا ميلا
*****
ليهن سجل التاريخ معارك شتة
أخوان ضامرة الهاف أم شلوخن ستة
زمن النيل متسب والبرق باحتة
ما بتنشق برا أب قنفة الموارك الكتة
*****
زمن في الشكاري بشدوا فارط القود
حر عنافي من إبلن عزاز منقود
رافايين ضعيف ما ببخلوا الموجود
ما بتنبوا بي كرم الضيوف والجود
*****
زمن نيلك متسب وفيكي صاحة العينة
سيلك بي مرانعك غرق الوزينة
ما بتتلادي يا المحنك قبيحة وشينة
هسع فيكي بتبالج حديد النينة
*****
فيك سنابك الدغم البعزو نظارتك
باقينلك درع يوم معركيبك وغارتك
سيلك هدم الشقاق وحزم بارتك
صبحا برة تنقذ فوق علاويك فارتك
*****
قدرك عالي لا يوم الله ما بتدلة
شربيتك على العنافي ما بتخلة
يوم قوم الصفية أب آمنة فش العلة
دفر فيكي بي اللصدي أب حجل عبد الاله
*****
يامن لخلخك هزاك ومنو قنتي
جالبة دموم دوام فت مرة ما بتقطي
يا البرقك بكلح في السحابة موطي
سيلك صبح الفنق بالخدار متغتي
*****
ناس شيخ العرب ود حلمي كان في رفاعة
ماصع حملو فوقو بنقرا الدلاعة
الخمجانة كان استعزوا فوكا جماعة
قناعين لها الدعجا البقود فراعة
*****
ناس الشيخ محمد ود حمد في قضارفو
دفاع مقدر العقبة الغزيرة غضارفو
كريما سيف وسيد ملكة ووسيعة معارفو
أب عمر أب رفيقن في السفر ما بقارفو
*****
أولاد الحاردلو في صباغك تلوبن قرح
بعزو الفرعو نازل فوق وضيبو مسرح
باللصدي الملبس وبالصفائح ترح
باقنلك حدار سيفن بشق ما جرح
*****
والفي القفلة ناس فارس الملاقا عمارة
باقي حدار قبل ما تدمروا الدمارة
زمن الخيل مشربتة والحراب طمارة
شرطوا روس مكوك عز للبقودة سمارة
*****
وما بطيق البنادر دمعوا جاري ولوفك
شاف الصيد يدرج في العوالي شروفك
حفاظة عشير ملكة وكتير معروفك
كم ولدن مسمى مخمج اجاسفنو سيوفك
*****
وأصلو السلطة هولك ورثوها كبارك
يا التفهك بشق بو المحجز وبارك
خرخار التعول في الصيف فتق قمبارك
جازنبوا الحباشي وبيهو دب حبارك
*****
بطانت اللعشير ما بسوا إلا الخير
ثمارها موفرن شابع الأهل والغير
بعزو متبر القدم القرينو عطير
خيولن علة ما تدفر تغدي الطير
*****
عزاز وأولاد فراشن طينتن معدومة
سمح شربيتا فوق ضهر الكزازي أبو دومة
ورث من جدهن مالكنها ومفهومة
هولن بي وثيقة ممضية ومختومة
*****
عروضتن وافرة حاشاهن من التقصير
درع وحماية للاجي الولالو نصير
بتختر عشريهن فيها وين ما يسير
أم أرضن صحاحا بولد الإكسير
*****
وها الأيام بروكا اتراففن وانفرن
دايرة تراشش اتكن بروكا وكرن
أب لبة الممقر في الرباط ويجرن
قريب بمرق يسرت الحيل قمامو يخرن
******
برقن لاح صباح قبلة وكتر ولويلو
كرس القش وجاب الوادي يهدر سيلو
الزراعي أمسى نشيط وشامق حيلو
واتكرف نياق ترو البهيج بشليلو
***-
النعم الرهف فرحان صبح واتخاير
السيل هدم الشق وانفقل واضاير
جمال الدور مشربتة بالهويد تتغاير
الحبر الإبيرق وأم قرين تتطاير
***
اللرض شمت
الوشاش لفض برا وشقوقو انضمت
الناقضين وضيبا وبي المشاط ما انتمت
من سقط الصعيد فوكا اللكايب اترمت
***
القش قلع الدراب نداهو ينقط
وايدين الكتر دلهم شدرها مرقط
عقيد الدور رجع فرحان علي المتعقط
يختف زبرة القمبارة جاري يلقط
*******
واحدن راسو متل الهام ومكضوض حبة
صيف فوكا يامن جاء الرشاش اب لبة
نجع بي عاقبو يقن من تكربت وخبة
قعد متل الخلال غاز في النقيب وانصبة
***
بطانة الخير عقب رفرف بركا صباح
ساكا مزرتو لا عاديكا من الباح
ولا ابو دليق رواها اللرض شراباً صاح
بلد ود طلحة شيخنا اللي الجزر ضباح
*******
المردا أم أيامن بيض ومي متعاسرة
مرية فيها مبسوطة ام سماحة جاسرة
الجبجاب ينقنق والنعم متعاصرة
التباب مزرد والحفاير كاسرة
*******
السما فوقنا متوالي وصبيبو اختر
السيل طفا نيرانا الجمرها اتبتر
أب هافا مضمر وفي المقوت ما كتر
عشا في شغبة أم شعفة الضرحا اتهتر
********
الديش كلو راكز بي قفر مفروق
نوارة التبر زي نافشة المطروق
كب ماهو السما وماص غرق الواقوق
وصبح حوة الجبال معلقة فوق
********
حنتوتن مفرقة بيها رتع النوق
وضهارن مكفا وصي خلا وعشنوق
اللزم جمالن خت فريقن روق
والوقعت ربيطو انخج زين مخنوق
*******
ونوق ود جقة هدن في السراويل توف
راحلين بالعفيف ومعبدن مكلوف
عاين بالحدب من جاي هداك الشوف
القش منهن كاتل تلاتة خلوف
********
وداك الصيف رواين منزرد
خايف ظرف ناس عيد
قشوشو كتيرة متعارضنا متل القيد
السحا والمحتربة لبلبة وبييض
*******
وديك براقة
وتتكازم جمالا البنقير طراقة
الحور فيهو ناس سمحة الخروسا غراقة
نازل مندفق عم القصار كلاقا
********
عربا عرضهن سابل موفر ديمة
خمامهن دلو من ضهر البطبق الزيمة
بنتوتن بقدلن من شقاق لا خيمة
بياتن مبنتة بي الضهور ومقيمة
*******
بنتوتن عفافن عمرهن ما خانن
من كتر الصبيب قش الملينة اجانن
الضان والمعوز ماعونو ما بتقانن
أم جنخر تفوشق والبكار تتحانن
********
جزرا سمينة متفاولين بو بخت الدار
جنياتن فناجرا وفي الكرم ندار
من عيون الحسود حيوتن الستار
شبعوا غسيب مدفرب فوق هشيم كتار
******
نعمتن فوكا ما شاء الله ومي بوبار
الدر في الضروع والبرا فضل بار
ماهن في الشباك لو قلة لو تيبار
مارين وتيق قراب وسقيا كبار